{"type":"doc","content":[{"type":"paragraph","content":[{"type":"text","marks":[{"type":"italic"}],"text":"Dîmenek ji gundê Pulyanê Jorîn. Foto: İmam Tuğcu"}]},{"type":"paragraph","content":[{"type":"text","marks":[{"type":"italic"}],"text":"Amadekar: Firaz Baran"}]},{"type":"paragraph","content":[{"type":"text","marks":[{"type":"bold"}],"text":"KURTE DANASÎNA GUND"}]},{"type":"paragraph","content":[{"type":"text","marks":[{"type":"bold"}],"text":"Nav: "},{"type":"text","text":"Pulyanê Jorîn"}]},{"type":"paragraph","content":[{"type":"text","marks":[{"type":"bold"}],"text":"Etnîsîte: "},{"type":"text","text":"Kurd"}]},{"type":"paragraph","content":[{"type":"text","marks":[{"type":"bold"}],"text":"Bawerî: "},{"type":"text","text":"Alevi"}]},{"type":"paragraph","content":[{"type":"text","marks":[{"type":"bold"}],"text":"Eşîr: "},{"type":"text","text":"Sinamil"}]},{"type":"paragraph","content":[{"type":"text","marks":[{"type":"bold"}],"text":"Ziyaret: "},{"type":"text","text":"Ziyareta Biyorî Kergon"}]},{"type":"paragraph","content":[{"type":"text","marks":[{"type":"bold"}],"text":"GUND ÇAWA AVA BÛYE"}]},{"type":"paragraph","content":[{"type":"text","text":"Em li ser avakirina gundê Pulyanê Jorîn (Yukarı Pulyanlı-Denizli) "},{"type":"text","marks":[{"type":"bold"}],"text":"Tirabê Îwîkî Îje "},{"type":"text","text":"ve civiyan. Apê Tirab dibêje: "},{"type":"text","marks":[{"type":"italic"}],"text":"\"Kalikên me li warê Qantarmayê, -ku nêzîkî gundê "},{"type":"text","marks":[{"type":"bold"},{"type":"italic"}],"text":"Şillan "},{"type":"text","marks":[{"type":"italic"}],"text":"bûye- mayîne. Lê wê çaxê nexweşiyek derketiye û 40 kes miriye. Li ser vê bûyerê bar kirine û hatine cihê îro. 100 sal berê qewimiye.\""}]},{"type":"paragraph","content":[{"type":"text","text":"Wê demê der û dora gundê îro hemû daristan bûye. Demek derbas bûye û hinek malbatan ji gund bar birine û gundê "},{"type":"text","marks":[{"type":"bold"}],"text":"Pulyanê Jêrîn "},{"type":"text","text":"(Akdemir-gundê "},{"type":"text","marks":[{"type":"bold"}],"text":"Atê Elif"},{"type":"text","text":") ava kirine. Apê Tirab li ser sedema vê koçkirinê dibêje:"}]},{"type":"paragraph","content":[{"type":"text","marks":[{"type":"italic"}],"text":"“Dema ku pez di nav daristanê de diçû hiriya xwe li şaxan diqelişî û diket. Hinek malbatan gotin: ‘"},{"type":"text","marks":[{"type":"bold"},{"type":"italic"}],"text":"Bila hirîya pez belav nebe’ "},{"type":"text","marks":[{"type":"italic"}],"text":"û barkirin û çûn Pulyanê Jêrîn ava kirin. Berê Malbata Topêl, Malbata Momme û Malbata Ûsiv çûn. Piştre Malbata Têrî, Malbata Towur û Mistikê Xanke çû.”"}]},{"type":"paragraph","content":[{"type":"text","text":"Gelo gelê gund di nav kîjan xaniyan de mane? Tirabê Îwîkî Îje dibêje: \"Gelê Pulyanê Jorîn destpêkê di nav konên reş de jiyan kiriye."},{"type":"text","marks":[{"type":"bold"}],"text":" "},{"type":"text","text":"Piştre ji xwe re "},{"type":"text","marks":[{"type":"bold"}],"text":"hox û xaniyên ax "},{"type":"text","text":"çêkirine. Wekî mînak, xaniya ax a yekemîn sala 1941ê çêkirine."}]},{"type":"paragraph","content":[{"type":"text","text":"Li gorî agahiyên Apê Tirab, çendîn gundiyan heya sala 1965an karê kaçaxtiyê kiriye. Îro der û dora gund daristanên berê tune ye. Gelo çi bû? Apê Tirab dibêje: "},{"type":"text","marks":[{"type":"italic"}],"text":"“Deşta gundê me hemû daristan bû. Lê birandin û kokê daran jêkirin. Îro pir kêm daristan maye. Cihê ku hatiye birîn bûne zevî.\""}]},{"type":"paragraph","content":[{"type":"text","marks":[{"type":"bold"}],"text":"MALBATA ÎGIDAN"}]},{"type":"paragraph","content":[{"type":"text","text":"Li gundê Pulyanê Jorîn Malbata Îgidan heye. Apê Tirab li ser malbatê van agahiyan parve dike: "},{"type":"text","marks":[{"type":"italic"}],"text":"\"Malbata Îgidan berê li cem Ziyareta Totikan (ku ev ziyareta gundê Maxsan e) rûniştiye û pênc mala wan hebûye. Malbata Îgidan sala 1942an li gundê Pulyanê Jorîn bi cih bûne. Zozanek Malbata Îgidan jî heye. Ev zozan li ser çiyayê Engîzekê ye û nêzî zozana Bîrkusi ye. Navê zozana Malbata Îgidan Boran e.\""}]},{"type":"image","attrs":{"src":"https://pub-5dbeb11e76d1432da257f0a38a434685.r2.dev/uploads/1785268475636-0289b011-6cf4-4e88-a8ef-d25ee7d97f2c.webp","alt":null,"title":null,"width":null,"height":null}},{"type":"paragraph","content":[{"type":"text","marks":[{"type":"italic"}],"text":"Gundê Pulyanê Jorîn (Yukarı Pulyanlı-Denizli). Foto: İmam Tuğcu"}]},{"type":"paragraph","content":[{"type":"text","marks":[{"type":"bold"}],"text":"CIH Û WARÊN PULYANÊ JORÎN"}]},{"type":"paragraph","content":[{"type":"text","text":"Me xwest em cih û warên gundê Pulyanê Jorîn jî binivîsin. Navê cih û waran me ji Apê Tirab û Mamê Kelike guhdarî kiriye. Navê cih û waran ev in:"}]},{"type":"paragraph","content":[{"type":"text","marks":[{"type":"bold"}],"text":"ÇAVKANÎ: TIRABÊ ÎWÎKÎ ÎJE Û MAMÊ KELIKE"}]},{"type":"paragraph","content":[{"type":"text","marks":[{"type":"bold"}],"text":"Bîrê Qastale:"},{"type":"text","text":" Bîreke û di navbera gundê Maxsan û gundê me ye. Di nav kevirekî ev bîr derxistine."}]},{"type":"paragraph","content":[{"type":"text","marks":[{"type":"bold"}],"text":"Çomê Bal: "},{"type":"text","text":"Dara çamê ye. Heya îro maye."}]},{"type":"paragraph","content":[{"type":"text","marks":[{"type":"bold"}],"text":"Dorê Bayre:"},{"type":"text","text":" Dara Mazî bûye. Birandine. Ewqas mezin bûye ku 500-600 pez di bin wê darê de maxal dibûye."}]},{"type":"paragraph","content":[{"type":"text","text":"Diyorî Kergon (Tavşantepe)"}]},{"type":"paragraph","content":[{"type":"text","marks":[{"type":"bold"}],"text":"Diyorî Maxsan"}]},{"type":"paragraph","content":[{"type":"text","text":"Gadûgê Qastale"}]},{"type":"paragraph","content":[{"type":"text","marks":[{"type":"bold"}],"text":"Kısakürek Çiftliği: "},{"type":"text","text":"Di navbera gund û bajarokê Narliyê ye."}]},{"type":"paragraph","content":[{"type":"text","text":"Komirê Kelike"}]},{"type":"paragraph","content":[{"type":"text","marks":[{"type":"bold"}],"text":"Kortê Arawon: "},{"type":"text","text":"Malbatên Ereb li wê bi cih bûne."}]},{"type":"paragraph","content":[{"type":"text","text":"Koynê Kelike"}]},{"type":"paragraph","content":[{"type":"text","marks":[{"type":"bold"}],"text":"Koynê Toşe"}]},{"type":"paragraph","content":[{"type":"text","marks":[{"type":"bold"}],"text":"Modonî Şewike:"},{"type":"text","text":" Ji bajarê Îzmîrê Muteahîtek hatiye û sala 1951ê li wir krom derxistiye. Îro jî bîrên kromê xuya dibin."}]},{"type":"paragraph","content":[{"type":"text","marks":[{"type":"bold"}],"text":"Mazale Dorê Bayre:"},{"type":"text","text":" Goristanek hebûye. Gorên xwe bi kevirî bûye. Lê destpêka salên 70yî ji holê rakirin. Li wir darên hêjîran jî hebûn. Dîsa kaniyek biçûk hebû. Hemû ji holê rakirin. Cihê ku derketî kirin zevî. Ew zevî gundê Pulyanê Jorîn û Maxsan parve kirin. Sînorê gundê me jî ewder e."}]},{"type":"paragraph","content":[{"type":"text","marks":[{"type":"bold"}],"text":"Nolê Pîrike: "},{"type":"text","text":"Jineka pîr li wir hatiye kuştin. \"Nol\" newal e."}]},{"type":"paragraph","content":[{"type":"text","marks":[{"type":"bold"}],"text":"Nolê Qulike: "},{"type":"text","text":"Qulik, kesekî ji gundê Maxsan e."}]},{"type":"paragraph","content":[{"type":"text","marks":[{"type":"bold"}],"text":"Oralixê Karte:"},{"type":"text","text":" Kart li wir bi cih bûye."}]},{"type":"paragraph","content":[{"type":"text","marks":[{"type":"bold"}],"text":"Oraynê Karte:"},{"type":"text","text":" Malbata Kartê, konên xwe li wir vedikiriye. Li wir darê marxê a bi stûyî hebûn."}]},{"type":"paragraph","content":[{"type":"text","marks":[{"type":"bold"}],"text":"Ormonî Merikî Kûştî:"},{"type":"text","text":" Daristana di navbera rêya asfaltê û gundê me ye. Ew li jor petrol e (cihê ku benzîn tê firotîn). Du cendirme bazirganekî dikûjin, pereyên wî digirin û wî vedişêrin. Çend roj şûnda, şivanên gundê me bêhna cesedê hîs kirin û fêm dikin ku kesek hatiye kuştin. Wan ji qereqol re gotine. Lêkolînê eşkere kiriye ku cendirmeyan wî kesî gulebaran kiriye. Ev bûyer di navbera salên 1955 û 1960an de qewimiye. Derbarê nasnameya wî bazirganî de tu agahî li cem me tune ye."}]},{"type":"paragraph","content":[{"type":"text","marks":[{"type":"bold"}],"text":"Tulî Bilind"}]},{"type":"paragraph","content":[{"type":"text","marks":[{"type":"bold"}],"text":"Xonî Silêman: "},{"type":"text","text":"Îro ew xanî nemaye lê nav maye."}]},{"type":"paragraph","content":[{"type":"text","marks":[{"type":"bold"}],"text":"Qastale"}]},{"type":"paragraph","content":[{"type":"text","marks":[{"type":"bold"}],"text":"Ziyareta Biyorî Kergon:"},{"type":"text","text":" Atê Elif (Elif Ana) rojekê hatiye gund. Gundiyekî jê re gotiye: Her gundekî ziyaretek heye. Lê ziyareta me tune ye. Atê Elif ev dar nîşan daye û gotiye: “Evder ziyareta we ye.\" Gundiyan qebûl kiriye. Îro jî ziyareta gundê me ewder e."}]}]}